အာလူးကောက်သူများ

မသိနားမလည်ခြင်းဟာ
တခါတခါ အရသာရှိပါတယ်။

ကော်ဖီစစ်စစ် မစစ်စစ်
ကော်ဖီမစ်ပဲ စွဲနေလေတော့
ဘဝကို လွယ်လွယ်ကောက်မော့လိုက်။

အပျော်ဖတ်တွေဆိုတာက
တကယ်ပျော်ဖို့ကောင်းပြီး
ရောင်းတန်းဝင်ပန်းချီကားတွေကလည်း
ရောင်းပန်းဝယ်ပန်းလှတယ်။

လွတ်လပ်ခြင်း၊ ညီမျှခြင်း၊ ငြိမ်းချမ်းခြင်း
ဘာတခုမှ မမြည်းစမ်းခဲ့ရတော့
ပြန်ပြန်နွှေးပြီးကျွေးတဲ့ ကတိတွေက
ဝါးရင်း ဝါးရင်း ချိုမြလာသလိုလို။

ခပ်နက်နက်တူးကြည့်လိုက်ရင်
ရွှေထွက်မှာလား မြွေထွက်မှာလား
မစဉ်းစားချင်တော့တဲ့အခါ
အာလူးသီးတွေသာ ပိုက်ပြန်လာခဲ့ရ။

တင်မင်းထက်
၂ဝ၁၃

 (Idea, June 2013)