ကဗျာမြစ်များ ဆုံစည်းဝေးကွာ (၁)

ကဗျာမြစ်များ ဆုံစည်းဝေးကွာ

photo: www.cristcyan.cc.cc

ပင်လယ်

မြစ်တွေက
ငါ့ဆီကျမှ
ချစ်ခြင်းဆုံခွင့်ရသတဲ့ ...။
ငါကတော့ ...
အဖော်မဲ့ပေါ့။

နီမာရှင်း
(တမိုးထဲအောက်မှာ၊ ၁၉၉၄)

သူငယ်ချင်းကတော့ "ပင်လယ်" ရယ်လို့ ဖွဲ့ခဲ့ပေမယ့် ၁၅ နှစ် ကြာတဲ့ တနေ့မှာ သူ ပြန်ဖတ်မိတော့ သူတို့တတွေ စီးဆင်းခဲ့ကြ၊ ဆုံစည်းခဲ့ကြ၊ ခွဲခွာခဲ့ကြရာ၊ ခုချိန်မှာ ပင်လယ်ထက်ပင် အဖော်မဲ့နေတဲ့ အချည်းနှီး ကံ့ကော်တို့ကို အထီးတည်း ပွင့်နေရသော မြကျွန်းညို တခွင်ကို လွမ်းမိပါတော့သည်။

ဟိုးတောင်ပေါ်က နှင်းငွေ့များကို သယ်ဆောင်လာသူ၊ သဲမုန်တိုင်းများနှင့်သာ ရင်းနှီးကျွမ်းဝင်ခဲ့ရသူ၊ မီးလောင်နေသော ယာခင်းများကြားမှ တိတ်တဆိတ် ဖြတ်သန်းခဲ့သူ၊ ညိုပြာပြာ လတာပြင်ခြေရင်းက ဗေဒါပန်းများ ပန်ဆင်လာသူ။ သူတို့အားလုံး တူညီသည့် အချက်ကတော့ သူတို့ခေတ်က ရေစီးကြမ်းသည်။

သူတို့သည် ပင်လယ်၊ ပင်လယ်သည် သူတို့ ... ဖြစ်ခဲ့။

ခုတော့ ... ဆုံစည်းဝေးကွာ။

* * *

(စဖြစ်သွားအောင် ပို့စ်တင်ထားလိုက်သော်လည်း သိပ်တော့ မြန်မယ် မဟုတ်ပါ။ စကားပြေ မကောင်းလှတာလည်း တကြောင်း၊ သေသချာချာ ပြန်ဖတ် ပြန်ပြင်ချင်တာလည်း တကြောင်းကြောင့်၊ တချို့ အပိုင်းတွေ ပြီးပေမယ့် ပြန်ဖတ် ပြန်ပြင်နေပါသည်။ တီချယ်မေငြိမ်း ရဲ့ "မြသီလာအလွမ်းပြေ" ဖတ်ရကတည်းက ရေးချင်နေခဲ့တာ၊ မကေသွယ် ရဲ့ "စိန်ပန်းနဲ့ကံ့ကော်တွေ အတူပွင့်ခဲ့တယ်" အပြီးမှာတော့ ရေးဖြစ်သွားပါတယ်။

ကျွန်တော် ကျင်လည်ခဲ့တဲ့ ၉၁-၉၅ ကာလက ကျောင်းထဲက လက်ရေးကဗျာ စာအုပ်လေးတွေ အကြောင်း၊ စာအုပ် အတူလုပ်ခဲ့တဲ့ သူငယ်ချင်းများ အကြောင်းကို ရေးမှာပါ။ မှတ်မိသလောက်ပေါ့။)