မိုးတွေ အများကြီး
ရွာပြီးစ မြက်ခင်း
သားနဲ့ ကျွန်တော်
ပြိုင်တူ လက်ညှိုးညွှန်မိ
ရေလွှာပါးပါးလေးအောက်က
အစိမ်းရောင်
လူရှုပ်ထွေးတဲ့ မြစ်ထဲကို
မြင်းကျားတကောင် ဖြတ်ကူးခဲ့
ဘူတာထဲက
ကလေးလက်ထဲက
မိုးပျံပူပေါင်း အဖြူနဲ့အနက်
စားသောက်ဆိုင်မှန်ပုံးထဲမှာ
ကူးခတ်ပျော်ရွှင်နေသလို ထင်ရတဲ့
ငါးက
ကျွန်တော့်ကို လှမ်းပြောတယ်
မင်းရဲ့ကန်က သိပ်ကြီးတော့
မင်း ကူးခတ်ရတာ သိပ်မောမှာပဲ
အနီရောင်
အပြာရောင်နှင်းတွေ တဖွဲဖွဲ
ကျ မလာသေးခင်အထိ
နေရောင်ခြည်ရဲ့ ဝတ်စုံဟာ
အဝါရောင်
တင်မင်းထက်
၂၀၁၆
ုခြင်က ကျွန်တော့်ကိုကိုက်တယ်
ကျွန်တော်က သူ့ကိုရိုက်တယ်
ပြီးမှ နည်းနည်းစိတ်မကောင်းဖြစ်မိ
သံသရာဟာ ဒီလိုပါပဲ
သံသရာဟာ ဒီလိုပါပဲ
ကျွန်တော့်သွေးတွေ သူ့သွေးတွေ
တင်မင်းထက်
၂၀၁၆
သေရွာပါမယ့် လျှို့ဝှက်ချက်ဆိုတာ
သိမ်းဝှက်ထားတဲ့ ရတနာတွေ
ရာဇဝတ်မှု ကြီးကြီးမားမား
ဘာတခုမှ မဟုတ်။
အတန်းဖော်ကောင်မလေးကို
နာရီဒိုင်ခွက်ကနေတဆင့်
ခိုးခိုးကြည့်တာမျိုး။
ယုန်သွားလေးနဲ့ဆရာမကို
သိပြီးသားစာတွေ
သွားသွားမေးတာမျိုး။
နမူနာပြောကြည့်တာသက်သက်ပါ
၁၆ နှစ်သားတုန်းက
တကယ့် လျှို့ဝှက်ချက်တွေဆို
သူတို့လည်း သေချာသိမ်းထားကြမှာ။
တင်မင်းထက်
၂၀၁၄
နားထောင်ချင်တဲ့ သီချင်းကို
ငါတို့ ဆိုကြရအောင်။
ဒီလိုနဲ့ပဲ
ငါတို့နောက်တခေါက် မျှော်လင့်ကြ
ဒီလိုနဲ့ပဲ
ငါတို့နောက်တခေါက် စိတ်ပျက်ကြ။
ကောသလအိပ်မက်တွေက
လူကြိုက်လည်းမများလှဘဲ
ပွဲတော်ရာသီရောက်တိုင်း
နောက်ဆက်တွဲ အိပ်မက်တခု
ရုံတင်တယ်။
အဲဒီ ပုံစံမကျတဲ့
အိပ်မက်ပန်းအိုးဟောင်းထဲကို
ကလေးတွေရဲ့ အိမ်မက်ပင်လေးတွေ
မစိုက်လိုက်ကြနဲ့။
ငါတို့ ကလေးကဗျာရေးရမယ်
အဲဒီကဗျာတွေထားဖို့
စာကြည့်တိုက်လည်း ဆောက်ရမယ်
ကဗျာဖတ်တတ်အောင်လည်း
သင်ပေးရမယ်လေ။
ဘယ်ကစမလဲဆိုတော့
ဒီနေရာက စရမှာပဲ
ဘယ်မှာဆုံးမလဲဆိုတော့
မဆုံးအောင် ဆက်ကြရမှာ။
ဖတ်ချင်တဲ့ ကဗျာမရှိမှတော့
ငါတို့ ရေးရတော့မှာပေါ့။
တင်မင်းထက်
၂၀၁၄
တီဗွီထဲမှာ မီးတွေစလောင်တော့
ရှေ့ကားရဲ့အိတ်ဇောငွေ့တွေကြား
ဘတ်စ်ကားက တိုးဝင်သွားချိန်။
မီးသတ်ကားတွေ ရောက်လာခန်းက
ခေါင်းပေါ်ကို စင်ကျလာတဲ့
အဲကွန်းရေစက်တွေနဲ့ တပြိုင်ထဲ။
မီးစွဲနေတဲ့တိုင်လုံးကြီး လဲကျလာတော့
ကိုယ့်ပေါ်များ ပြုတ်ကျလာမလားဆိုပြီး
ရှေ့ခုံနဲ့ ကွယ်ထားမိတယ်။
ဘတ်စ်ကားကလည်း မောင်းနေဆဲ
တီဗွီထဲမှာ မီးတွေလောင်နေဆဲ
ကိုယ့်ထိုင်ခုံမှာကိုယ် ဇက်ကိုပုထားဆဲ။
တင်မင်းထက်
၂၀၁၄
ဇောရိုးရေ
မင့်းမျက်နှာဖုံးကြီးက အိုက်ပါတယ်
ချွတ်ထားပြီးမှ အေးဆေးပြောကြရအောင်။
တရားတာ မတရားတာထက်
စီးပွားရှာတယ်ဆိုမှတော့
ပိုက်ဆံရအောင် လုပ်ရတာပေါ့ကွာ။
မင့်းဓားကြီးလည်း ချထားပါဦး
မတော်တဆ ထိရှနေပါ့မယ်
ရွှေတွေငွေတွေ ဆိုတာကလည်း
ဘဏ်မှာပဲထားကြတာ မဟုတ်လား။
ဪ ဆင်းရဲသားတွေဝေချင်တာများ
ဒီလောက် မစွန့်စားစမ်းပါနဲ့
မင့်းလူတွေ စာရင်းလေးသာပေးခဲ့ပါ
ကိုယ့်မှာ ဖောင်ဒေးရှင်းကြီးရှိပါတယ်။
မျက်နှာပန်းလှပြီး လူချစ်မယ့်
ခေါင်းစဉ်လှလှလေးတွေ ရှိရင်လည်း
ကြုံတုန်းပေးခဲ့စမ်းပါကွာ
ကိုယ်လည်း အိုင်ဒီယာရတာပေါ့။
တင်မင်းထက်
၂၀၁၄
ထွက်ခွာစ အဝေးပြေးကားကို
ပြေးလိုက်သလိုမျိုး
လပြည့်ပြီး နောက်တနေ့
မနက်စောစော။
ကျောဖက်ကနေလုံးဟာ
တရိပ်ရိပ်တက်လာခဲ့။
လကိုမမှီနိုင်တာ သေချာခဲ့လည်း
နေနဲ့လွတ်အောင် ဆက်ပြေးခဲ့
ဒါပေမဲ့ ပူတယ်။
မြစ်မှာဆုံခဲ့ကြသလို
ပင်လယ်မှာခွဲကြရဦးမယ်။
တင်မင်းထက်
၂၀၁၄
နှစ်ကာလတွေသိပ်ကြာတော့
ဘာကိုမှကောင်းကောင်း မမှတ်မိတော့ဘူး။
အသည်းပုံသစ်ရွက်ကသာ
မီးလောင်ရာတခုလို စွဲထင်နေခဲ့တယ်။
ခမ်းနားမှု
ငယ်ဘဝရဲ့ ခမ်းနားမှုတိုင်လုံးများ။
မှန်ကွဲစများ
မီးသတ်ကားမှန်ကွဲစများ ပြန့်ကျဲ။
သူငယ်ချင်း
မမေ့ပေမယ့်ပျောက်သွားသူ သူငယ်ချင်း။
မြေနီလမ်းလေး
တောခြောက်သံတွေက မြေနီလမ်းတလျှောက်။
လေထီးခုန်နည်းမသင်ခဲ့ဘဲ
စာသင်ခန်းနောက်ပေါက်ကနေ ခုန်ချခဲ့တယ်။
အမှတ်သည်းခြေကြီးသလောက်
မေ့မေ့ပျောက်ပျောက်။
တင်မင်းထက်
၂၀၁၄
မိုင်တွေအဝေးကြီး
ပြေးလာခဲ့ပြီးမှ
ပတ်လမ်းမှန်း သိခဲ့ရ။
ရပ်တန့် ငေးမော
သက်တံ ၂ ထပ်ရဲ့ အဆုံးက
၂ ဆသော ပျော်ရွှင်မှု။
ခုန်တယ်
ဒီနေရာကိုပဲ ပြန်ကျတယ်။
တင်မင်းထက်
၂၀၁၄
© Blogger templates Psi by Ourblogtemplates.com 2008
Back to TOP
