Aug 16, 2016

ရူးတဲ့စိတ်

ကြယ်တပွင့်ကို
ကိုယ်ကြိုက်တဲ့နာမည်ပေးပြီး
မွေးစားဖို့က
၁၀ ဒေါ်လာမျှသာ

အရှားပါးဆုံး ဆိုတဲ့
ငွေဒင်္ဂါးရဲ့ တန်ကြေးဟာ
မြန်မာကျပ်ငွေ
ကုဋေ ၁,၀၀၀ မက

မဖတ်ဖြစ်တဲ့ စာအုပ်တွေ
စုတယ်
တကယ်မရှိတဲ့ အကောင်တွေ
ဖမ်းတယ်
မင်းနဲ့အတူတူ ညနေခင်းကို
ငေးတယ်

အရူးသေးသေးလေးတွေ
ရှိနေတော့
အန္တရာယ်ကြီးတဲ့ အရူးမျိုးတွေ
ဝင်မလာ နိုင်တော့ဘူးပေါ့

ကာကွယ်ဆေးဆိုတာလည်း
ဒီသဘောပဲ မဟုတ်လား

တင်မင်းထက်
၂၀၁၆

Read more...

Aug 3, 2016

ပြဇာတ်

သဘာဝအတိုင်း လှဖို့
မိတ်ကပ်နည်းနည်း

လူလုပ်မြက်ခင်း
စိမ်းမြလတ်ဆတ်

မမှည့်ခင်ခူးတဲ့
သစ်သီးတွေက
ပိုပြီး ချိုပြတတ်တယ်

တင်မင်းထက်
၂၀၁၆

Read more...

Jun 21, 2016

ပျော်ရွှင်ခြင်းရဲ့ အရောင်

မိုးတွေ အများကြီး
ရွာပြီးစ မြက်ခင်း
သားနဲ့ ကျွန်တော်
ပြိုင်တူ လက်ညှိုးညွှန်မိ
ရေလွှာပါးပါးလေးအောက်က
အစိမ်းရောင်

လူရှုပ်ထွေးတဲ့ မြစ်ထဲကို
မြင်းကျားတကောင် ဖြတ်ကူးခဲ့
ဘူတာထဲက
ကလေးလက်ထဲက
မိုးပျံပူပေါင်း အဖြူနဲ့အနက်

စားသောက်ဆိုင်မှန်ပုံးထဲမှာ
ကူးခတ်ပျော်ရွှင်နေသလို ထင်ရတဲ့
ငါးက
ကျွန်တော့်ကို လှမ်းပြောတယ်
မင်းရဲ့ကန်က သိပ်ကြီးတော့
မင်း ကူးခတ်ရတာ သိပ်မောမှာပဲ
အနီရောင်

အပြာရောင်နှင်းတွေ တဖွဲဖွဲ
ကျ မလာသေးခင်အထိ
နေရောင်ခြည်ရဲ့ ဝတ်စုံဟာ
အဝါရောင်

တင်မင်းထက်
၂၀၁၆

Read more...

Jun 6, 2016

---

ုခြင်က ကျွန်တော့်ကိုကိုက်တယ်
ကျွန်တော်က သူ့ကိုရိုက်တယ်
ပြီးမှ နည်းနည်းစိတ်မကောင်းဖြစ်မိ
သံသရာဟာ ဒီလိုပါပဲ
သံသရာဟာ ဒီလိုပါပဲ
ကျွန်တော့်သွေးတွေ သူ့သွေးတွေ

တင်မင်းထက်
၂၀၁၆

Read more...

May 31, 2016

ဖြောင့်ချက်

ဆိုင်ကျန်တွေ
ဈေးပွဲတော်မှာ အထပ်လိုက်
အဖုံးနဲ့ဆုံးဖြတ်ချိန် မရတော့
အနှောင့် လှ မလှ
ကြည့်ပြီး
စာအုပ်တွေကို ဒီလိုမျိုး
သတ်ဖြတ်ခဲ့မိပါတယ်။

တင်မင်းထက်
၂၀၁၆

Read more...

May 16, 2016

ကျောက်တုံးတွေထဲ

ကားဟာ အမြန်လမ်းမပေါ်မှာ
အရှိန်ပြင်းပြင်းနဲ့ မောင်းနှင်နေဆဲ
အပြင်ဘက်မှာက သိပ်မှောင်မည်း
အမှတ်တရ ပစ္စည်းတွေ
မပြောဖြစ်ခဲ့တဲ့ စကားတွေ
လေထဲပျံဝဲ
အချိန်မှတ်မျဉ်းဟာ ဘယ်ဆီမှာလဲ

အစပိုင်းမှာတော့ မိုးကတဖွဲဖွဲ
ပင်လယ်ကို ဖြတ်ရတော့မယ်ဆိုမှ
သဲသဲမဲမဲ
ကိုယ်ဖြတ်ဆင်းခဲ့တဲ့ မြက်ခင်းကို
မင်းလည်း ထပ်တူနင်းလျှောက်ခဲ့မှာပဲ
ဒါပေမဲ့ ဘယ်ရာစုနှစ်မှာလဲ

ခရမ်းရောင် ပန်းကလေးတွေက
ပွင့်ကြမြဲ ကြွေကြမြဲ
မင်းပန်ခဲ့သလား ကိုယ်ခူးပေးခဲ့သလား
စိတ်ကူးထဲမှာ ဘာမှမသဲကွဲ
တောင်တန်းရဲ့ မိုးရေလို
တိမ်တိုက်နဲ့ လေပြေလို
ကိုယ်တို့ ဘယ်တော့ပြန်ဆုံကြမှာလဲ

တင်မင်းထက်
၂၀၁၆

Read more...

Mar 17, 2016

၅၄

ပြည်သူ့ဆီကနေ
မောင်းထုတ်ခံခဲ့ရတဲ့ အာဏာ
သူ့အိမ်သူ့ယာ ပြန်ရောက်ဖို့
နှစ်တွေ ဒီလောက်ကြာခဲ့တယ်။

တင်မင်းထက်
၁၅/၃/၁၆

Read more...

Sep 4, 2014

လျှို့ဝှက်ချက်

သေရွာပါမယ့် လျှို့ဝှက်ချက်ဆိုတာ
သိမ်းဝှက်ထားတဲ့ ရတနာတွေ
ရာဇဝတ်မှု ကြီးကြီးမားမား
ဘာတခုမှ မဟုတ်။

အတန်းဖော်ကောင်မလေးကို
နာရီဒိုင်ခွက်ကနေတဆင့်
ခိုးခိုးကြည့်တာမျိုး။

ယုန်သွားလေးနဲ့ဆရာမကို
သိပြီးသားစာတွေ
သွားသွားမေးတာမျိုး။

နမူနာပြောကြည့်တာသက်သက်ပါ
၁၆ နှစ်သားတုန်းက
တကယ့် လျှို့ဝှက်ချက်တွေဆို
သူတို့လည်း သေချာသိမ်းထားကြမှာ။

တင်မင်းထက်
၂၀၁၄

Read more...

Aug 18, 2014

အိပ်မက်ပင်လေးတွေ

နားထောင်ချင်တဲ့ သီချင်းကို
ငါတို့ ဆိုကြရအောင်။

ဒီလိုနဲ့ပဲ
ငါတို့နောက်တခေါက် မျှော်လင့်ကြ
ဒီလိုနဲ့ပဲ
ငါတို့နောက်တခေါက် စိတ်ပျက်ကြ။

ကောသလအိပ်မက်တွေက
လူကြိုက်လည်းမများလှဘဲ
ပွဲတော်ရာသီရောက်တိုင်း
နောက်ဆက်တွဲ အိပ်မက်တခု
ရုံတင်တယ်။

အဲဒီ ပုံစံမကျတဲ့
အိပ်မက်ပန်းအိုးဟောင်းထဲကို
ကလေးတွေရဲ့ အိမ်မက်ပင်လေးတွေ
မစိုက်လိုက်ကြနဲ့။

ငါတို့ ကလေးကဗျာရေးရမယ်
အဲဒီကဗျာတွေထားဖို့
စာကြည့်တိုက်လည်း ဆောက်ရမယ်
ကဗျာဖတ်တတ်အောင်လည်း
သင်ပေးရမယ်လေ။

ဘယ်ကစမလဲဆိုတော့
ဒီနေရာက စရမှာပဲ
ဘယ်မှာဆုံးမလဲဆိုတော့
မဆုံးအောင် ဆက်ကြရမှာ။

ဖတ်ချင်တဲ့ ကဗျာမရှိမှတော့
ငါတို့ ရေးရတော့မှာပေါ့။

တင်မင်းထက်
၂၀၁၄

Read more...

DIY

democracy’s fate
i alone cannot make
you all need to participate

tin min htet
2014

Read more...

  © Blogger templates Psi by Ourblogtemplates.com 2008

Back to TOP