စာအုပ်တောမှာ (၁)

စာအစ ရွှေသွေး၊ တေဇ

စာကို ကိုယ့်ဖာသာ စာလုံးပေါင်းပြီးဖတ်တော့ ၁ တန်း။ ကျွန်တော်တို့ခေတ်က ကလေးတိုင်း ကြိုက်နှစ်သက်ကြတဲ့ ရွှေသွေး၊ တေဇ နဲ့ စတာပေါ့။ ရွှေသွေးက သတင်းစာရဲ့ တဝက်အရွယ် ဆိုဇ်သေး။ မျက်နှာဖုံး ရောင်စုံဇာတ်လမ်းက ဆရာကြီး ဦးဘကြည် ဇာတ်လမ်းပါတာ များတယ်။ ကလေးတွေအတွက် စိတ်ဝင်စားစရာလည်းကောင်း၊ ယဉ်ကျေးမှုလည်းသင်၊ လိမ္မာရေးခြားလည်း ရှိစေတဲ့ ဇာတ်လမ်းတွေ။ မှတ်မိသေးတယ် "ငိုရင်ပုလဲ၊ ရီရင်ရွဲ" "အစားပုတ်ပျားတုတ်" စတာတွေ။ ခုတော့ ခြင်ဆိုတာကမှ ပြတိုက်မှာသွားကြည့်လို့ ရဦးမယ်။ ကလေးစာပေစစ်စစ်က ဘယ်မှာနေသည် မသိ။

ပြီးတော့ ဆရာဇဝန (ငယ်ငယ်ကတော့ အမြဲတမ်း ဇနဝ လို့ မှားခေါ်တယ်) ကဗျာတွေလည်း ပါသေးတယ်။ ဘယ်မှာပါမှန်း မမှတ်မိတဲ့ ဒီတပုဒ်ဆို သိပ်ကြိုက်ပေါ့ ..

ဒေါက်တာငွေမက် ဦးဇီးကွက်

ဆရာဝန်ကြီး ဦးဇီးကွက်
အမ်ဘီဘီအက်စ် အိတ်စ်ဝိုင်ဇက်။

တစ်နေ့မနက် စောစောမှာ
မောင်ကျီးညိုလေး ရောက်လို့လာ။

လုပ်ပါ နှုတ်ပါ ထုတ်ပါဦး
ကျနော့်ဖင်က လောက်စာလုံး။

ဘယ့်နှယ်တုန်းကွယ့် မောင်မောင်ညို
လောက်စာလုံးတောင် မရှောင်မျို။

ငတ်လှသကို အစားပုတ်
မအံ့ပေါင် မောင်ဝမ်းချုပ်။

မဟုတ်ပါဘူး ဆရာရယ်
ကျနော်မှန်ရာပြောပါ့မယ်။

နွားကျောင်းသားငယ် လေးနဲ့ပစ်
လောက်စာလုံးဝင်လို့ ဖင်ဝတစ်။

ဖြစ်ရလေဟယ် အံ့စဖွယ်
မပူပါနဲ့ ပျောက်စေ့မယ်။

ထွက်ရလွယ်အောင် ရေနဲ့ဆေး
ဆရာဝန်ခ သုံးဆယ်ပေး။

မောင်မောင်ညိုလေး ရောဂါစင်
ဆေးကုသခ မပေးချင်။

ညအိပ်ရာဝင် ဦးဇီးကွက်
ခေါင်းလာဖောက်လို့ ဦးဏှောက်ထွက်။

ဒေါက်တာငွေမက် ဦးဇီးကွက်
အမ်ဘီဘီအက်စ် အိပ်စ်ဝိုင်ဇက်။

ဇဝန

(ကဗျာအတွက် ကိုရင်အုန်းကို ကျေးဇူး အထူးတင်ပါတယ်။ ဆရာဇဝနက ငွေမက်တဲ့သူတွေကို သရော်ခြင်းသာ ဖြစ်ပြီး၊ ဆရာဝန်တွေကို စော်ကားလိုစိတ် မရှိဘူးလို့ ယုံပါတယ်။)

နောက် ရွှေသွေးအထူးထုတ်၊ တေဇအထူးထုတ် ဆိုပြီး တနှစ်တခါ ထွက်သေးတယ်။ ဖတ်ပါလေ့ အထူကြီးတွေ။ နောက် ဦးဘကြည်ပဲ ဆွဲခဲ့တဲ့ ဇာတ်တော်ကြီးဆယ်ဘွဲ့ (မဟော်သဓာဇာတ်ကို အကြိုက်ဆုံးပေါ့)။ အောင်ရှိန်၊ ကာတွန်းမြင့်သိန်း၊ တင်အောင်နီ၊ မောင်ဝဏ္ဏ၊ သော်က တို့ကိုလည်း ဘယ်အလွတ်ပေးမလဲ။

ဦးဘကြည်၏ မဟော်သဓာဇာတ်မှ

လုံးချင်းစဖတ်ခြင်း

ကျွန်တော် လုံးချင်း စဖတ်တာက ၄ တန်း နွေကျောင်းပိတ်မှာ၊ စဖတ်တာက တက္ကသိုလ်စိန်တင် ရေးတဲ့ "အောင်ဆန်းသူရိယ ဗိုလ်တိုက်ချွန်း"။ အောင်ဆန်းသူရိယဆု ရသူ ၆ ယောက်ထဲမှာ တဦးတည်းသော အသက်ရှင်လျက် ဆုရသူ ဆိုတော့ ပြည့်ပြည့်စုံစုံ ရေးနိုင်တယ်။ စွန့်စားခန်းတွေ စစ်တိုက်ခန်းတွေက အပြည့်။ ဆိုင်ကယ်အတိုက်ခံရလို့ သေပြီထင်ပြီး ရင်ခွဲရုံ ရောက်လာပြီးမှ သတိရပြီး ဆေးရုံမှာ လျှောက်ပြေးတဲ့ အခန်း။ တောဝက်ပက်လို့ ထွက်လာတဲ့ အူတွေကို ဗိုက်ထဲပြန်ထည့်တဲ့ အခန်းတွေ ကောင်းကောင်း မှတ်မိနေသေးတယ်။

နောက်တအုပ်က ထင်လင်း ဘာသာပြန်တဲ့ "မောဂ္ဂလိ"။ ကလေးတွေကြိုက်တဲ့ ဇာတ်လမ်းဆိုတော့ ဘယ်နှစ်ကြိမ် ဖတ်ခဲ့ဖူးမှန်းတောင် မမှတ်မိတော့။ ဝက်ဝံကြီး ဘာလူး၊ သစ်နက်ကြီး ဗဂီရာ ဆိုတာတွေ မှတ်မိသေးတယ်။ ကဲ မောဂ္ဂလိလို နှုတ်ဆက်လိုက်ဦးမယ် .. "အမဲသားငါးများပါစေ"
 
တတိယ စာအုပ်က ရန်ကုန်ဘဆွေ ရဲ့  "မြန်မာပြည်သား"။ အကုန်တော့ နားမလည်သေးဘူးပေါ့။ မြန်မာမှု သိပ်ပီပြင်တဲ့ စာအုပ်ပါပဲ။ အမိုက်တုန့်-အမှောင်တုန့် ကစလို့၊ လူပျိုလှည့်ပုံနဲ့ စကားထာဓလေ့၊ ထိုးကွင်းမှင်ကြောင်ဓလေ့ စတာတွေကို ဖတ်ရပါတယ်။ ၁ဝ တန်းမှာ ကျွန်တော်အကြိုက်ဆုံး စာအုပ်တအုပ် ဆိုပြီး စာစီစာကုံးရေးရတော့ "မြန်မာပြည်သား" ကိုရေးခဲ့တာပေါ့။

နောက် အိမ်မှာရှိတဲ့ "ကမ္ဘာကျော်မိုင်၈ဝဝဝ စစ်ခရီးကြမ်း" "ရှစ်စပ်ကဂျင်ခြေလည်သူ"  စသည်ဖြင့် အတော်စုံစုံ ဖတ်ဖြစ်ပါတယ်။

(ဆက်ရန် ...)

ဝန်ခံချက်။  ။ မြန်မာကျူးပစ်ဖိုရမ်တွင် ရေးခဲ့သည်များကို ပြန်လည်တည်းဖြတ် ထားပါသည်။