ကံ့ကော်တော
ရနံ့ကောက်သူတွေ မရှိတဲ့
နောက်ထပ်နွေဦးတခုမှာ
မျက်ရည်စိုလို့ ငိုနေကြစဲလား
တင်မင်းထက်
၂ဝဝ၉
စာတိုငညို
စာအုပ်စုတဲ့သူ အများစုက စာအုပ်ခိုးရင် ငရဲမကြီးဘူး ထင်နေတတ်ကြတယ်။ ငှားတယ်လို့ပဲ စိတ်ထဲမှာ ထားကြတာ၊ ပြန်မပေးတာက တပိုင်းပေါ့။
ဒါပေမဲ့ ကျွန်တော့်ဆီက ပါသွားတာက အများကြီး ပိုများပါတယ်။ တမင်ပြန်မပေးတာက မှတ်မှတ်ရရ တအုပ်ပဲ ရှိပါတယ်။ ကျွန်တော့်ဆီက သီချင်းစာအုပ် တထပ်ကြီးငှားပြီး ပြန်မပေးတဲ့ သူငယ်ချင်းဆီကပါ။ သူ့စာအုပ်တွေက စိတ်ကြိုက်တအုပ် (မှော်ရုံတော်မှာ မောလှပြီ) ကိုငှား၊ ပြီးတော့ အပျောက် ရိုက်လိုက်ပါတယ်။
စာအုပ် မပျောက်အောင် အကောင်းဆုံးကတော့ စာအုပ်မငှားတာပါ။ ဒါပေမဲ့ စာအုပ်ကောင်း တအုပ်ဖတ်ရရင် ဘယ်သူတော့ ကြိုက်မယ်ဆိုပြီး ပေးဖတ်ချင်ပါတယ်။ အိမ်တိုင်ရာရောက်တောင် သွားပေးလိုက်သေး။ အဲဒီတော့ ပျောက်တာပေါ့။ "ဘောင်းဘီဝတ်မိုးတိမ်" ဖယောင်း လက်ရေး စာအုပ်လေးဆို ကဗျာချစ်သူ တယောက်က ငှားသွားတယ်။ "နန်းဟာဗီး" ဆို အဖုံးလေးပဲ ကျန်ခဲ့တယ်။
အထိအနာဆုံးက ဆရာကေ (ဦးခင်ဇော် ထင်တယ်) စာအုပ်တွေပါ၊ သူ့စာအုပ်တွေမှာ စာရေးဆရာ လက်မှတ်တွေ ပါပါတယ်။ လူထုဦးလှ၊ ဆရာဇော်ဂျီ၊ ဆရာမင်းသုဝဏ် စသည်ဖြင့် အများကြီးပါ။ ဖြစ်ချင်တော့ ကျွန်တော့်ထက် စာပေမြတ်နိုးသူ တစ်ယောက်က လက်မှတ်ပါတဲ့ စာအုပ် ၁ဝ အုပ်လောက်ကို ရွေးငှားပြီး ပြန်မပေးတော့ပါဘူး။ ငှားတာကလည်း သင်္ဘောတက်ရင် ဖတ်ဖို့တဲ့၊ ကျွန်တော်ကိုက "အ" တာပါ။
ကျွန်တော် အများဆုံးလုပ်တာက မဂ္ဂဇင်းတွေထဲက ဖြုတ်တာပါ။ အသစ်ကိုတော့ မလုပ်ပါဘူး။ သိပ်ကြိုက်တဲ့ ဝတ္ထု၊ ဆောင်းပါး ပါရင်၊ လကုန်မှ တခါပြန်ငှားပြီး ဖြုတ်ပါတယ်။ ဖြဲယူတာ မဟုတ်ဘူးနော်၊ စာအုပ်ကို လုံးဝ ဖြုတ်ပစ်ပြီး ကြိုက်တာယူ၊ ဟန်မပျက် ပြန်ချုပ်ပေးပါတယ်။
Silver Pages
Yellow Pages လိုမျိုး မဟုတ်ပါဘူး။ စီစစ်ရေးမိလို့ ငွေမှင်သုတ် ခံရတဲ့ စာမျက်နှာတွေပါ။ စီစစ်ရေး မိရင် လုပ်ကြရတာက မျိုးစုံ၊ ကျွန်တော်ကလည်း နည်းမျိုးစုံ သုံးပြီး ဖတ်တာပဲ။ ဖြဲထားတယ် ဆိုရင်တော့ ဘာမှ လုပ်မရပါ။၊ စာရွက် ၂ ရွက်ကို ပူးပြီးကော်နဲ့ ကပ်ရင် စာရွက်လေးဖြဲ ရေစိမ်ပြီး ပြန်ခွာ။ နည်းနည်းပါးပါး ထိလို့ စက္ကူအပိုင်းနဲ့ ပိတ်ကပ်ရင် ရေဆွတ်ပြီး ပွတ်ထုတ်၊ ငွေမှင်သုတ်ရင် လက်သည်းဖျက်ဆေးနဲ့ ဖျက် (ဝယ်ကိုဆောင်ထားတာ၊ အိမ်မှာ လက်သည်းဆိုးတဲ့သူ မရှိ)။
ချယ်ရီမှာ ပါတဲ့ မောင်သစ် နဲ့ မောင်သော်က ဆောင်းပါးတွေဆို ၂ ပုဒ် လုံးလွတ်တဲ့ လက ခပ်ရှားရှား။ တခါတလေကြတော့ ကိုယ်ကသာ ကြိုးစားပမ်းစား ခွာရတယ်၊ ဘာမှလည်း မဟုတ်။ စီစစ်ရေးက အတွေးခေါင်ပြီး ပိတ်ထားတာ။ အဲ .. သခင်ကိုယ်တော်မှိုင်း နာမည်ကို ငွေမှင်သုတ်တဲ့ ခေတ်လည်း ရှိဖူးပါတယ်။
ဘော်တယ်ဆိုင်
ဘော်တယ် (Bottle) ဆိုင် ဆိုတာကတော့ "နို့ဆီခွက်တွေ ဝယ်ဒေ၊ ပုလင်းတွေ ဝယ်ဒေ" ဆိုတဲ့ အထမ်းနဲ့ အဟောင်းလိုက်ဝယ်တဲ့ သူတွေဆီက ပြန်ကောက်တဲ့ ဆိုင်လေးတွေပါ။ သတင်းစာဟောင်း ဝယ်သလို၊ စာအုပ်ဟောင်းကိုလည်း ပိဿာချိန်နဲ့ ဝယ်တာပါပဲ။ အဲဒီခေတ်က ဘားပြာတွေ ဘားကြောင်တွေ ခေတ်မစားသေးတော့ အများစုက ဆေးလိပ် ဖင်စီခံ ဖြစ်သွားပါတယ်။ အဲဒီဆိုင်လေးတွေကို ဦးလေး မောင်နန္ဒာတို့လို လိုက်ပြီး စာအုပ်ကောက်တဲ့သူတွေ ရှိပါတယ်။ ဒီနေ့ အလုံ၊ နောက်နေ့ ကမာရွတ် စသည်ဖြင့် လှည့်ကောက်တာပါ။ အုပ်ချင်းဈေးနဲ့ မဟုတ်ပါဘူး။ ဆိုင်က တပိဿာ ၂ ကျပ် ဆိုပြီးကောက်ထားရင်၊ စာအုပ်သမားက တပိဿာ ၅ ကျပ် လောက် ပေးပြီး ပြန်ကောက်တာပါ။ ဘော်တယ်ဆိုင်ကလည်း ဈေးပိုရတော့ စာအုပ်သမား ပယ်ခဲ့တာတွေကိုမှ အခြားကို ပြန်ရောင်းပါတယ်။
ကျွန်တော်လည်း အခြားမြို့နယ်က ဆိုင်တွေ မရောက်ဖူးပေမယ့်၊ စမ်းချောင်း၊ မြေနီကုန်းထဲတော့ ကြုံရင် ဝင်မွှေပါတယ်။ ဦးနုရဲ့ "လူပေါ်လူဇော် လုပ်နည်း" တောင် ဘော်တယ်ဆိုင်က ရဖူးသေး။ (ကျွန်တော်က တက်ကျမ်း ဖတ်လေ့ မရှိတော့ ဆုံးအောင်တောင် မဖတ်ဖြစ်ပါဘူး၊ ပြန်ရောင်းလိုက်တယ်။)
ဘော်တယ်ဆိုင်က ရရင်တော့ အသက်သာဆုံးပေါ့။ အဟောင်းဆိုင်မှာ ရောင်းတဲ့ဈေးကလည်း ကျောင်းသား တယောက်တတ်နိုင်တဲ့ ဈေးမျိုးပါ။ ၈၈မှာ ပထမနှစ် တက်တော့ တပတ် မုန့်ဘိုး ၅ဝ။ တပတ်ကုန်ရင် စာအုပ်ကောင်းကောင်း တအုပ် ဝယ်လို့ရပါတယ်။ ဘုန်းနိုင်တအုပ် ၂ဝ -၂၅။ ဆွေလှိုင်ဦးက တစ်ကျပ်ပုံမှာပါ။ နောက် "မအေးပွင့် မြင့်မြင့်စန်း" ရုပ်ရှင်ထွက်လာပြီး၊ ပြန်ဟော့ လာပါတယ်။ ကျွန်တော် တစ်အုပ်မှ ဆုံးအောင် မဖတ်ဖူးပါ။
ဆိုင်ပြန်
အငှားဆိုင်တွေက လကျော် စာအုပ်တွေ ပြန်ရောင်းတာကို၊ ဆိုင်ပြန်လို့ ခေါ်ပါတယ်။ မြေနီကုန်းမှာလဲ ၂ ဆိုင် ၃ ဆိုင်ရှိပါတယ်။ နယ်က အငှားဆိုင်တွေက တခါပြန် ဝယ်ကြပါတယ်။ သူတို့က စာအုပ်အဟောင်း သမားတွေနဲ့ မတူပဲ၊ စီးပွားရေး သက်သက်မို့ မရင်းနှီးပါ။ အဲဒီခေတ်ကလဲ ခုလို စာအုပ်ဟောင်း စာအုပ်ကောင်းတွေ ပြန်ထုတ်တာ ခေတ်မစားသေးတော့၊ သူတို့ဆီကလဲ ဝယ်စရာ သိပ်မရှိပါ။ တစ်ခါတစ်လေတော့ ဝတ္ထုတို ပေါင်းချုပ်လိုမျိုး၊ ပေါသွပ်လိုမျိုး ရတတ်ပါတယ်။ ဒါပေမယ့် လိုင်းဝင်တဲ့ စာအုပ်မျိုးဆို ဈေးထဲက လူတွေက ကောက်သွားတာ များပါတယ်။
စာအုပ်ထဲက ဇာတ်လမ်းတွေ
စာအုပ်ထဲမှာ ရေးထားတဲ့ ဇာတ်လမ်းတွေကို ပြောတာ မဟုတ်ပါဘူး။ အပို ဇာတ်လမ်းလေးတွေပါ။ တချို့စာအုပ်တွေမှာ ကဗျာ အတိုအစလေးတွေ၊ မှတ်စု အတိုအစလေးတွေ ရေးထားတတ်ပါတယ်။ တခါတလေလည်း စာအုပ်ထဲမှာ ဈေးစာရင်း စာရွက်လိုမျိုး ညှပ်ပါလာတတ်ပါတယ်။ စိတ်ဝင်စား စရာပါ။
ခုထိ မှတ်မိနေသေးတဲ့ တခုက ပလတ်စတစ် အိတ်လေးနဲ့ သေချာထည့်ထားတဲ့ ဘာရွက်မှန်း မသိတဲ့ သစ်ရွက်ခြောက်လေး တရွက်ပါ။ သစ်ရွက်ပေါ်မှာ "ခင်" လို့ ရေးထားတယ်။ လက် ၂ လုံးလောက် စာရွက်ပိုင်းလေးလဲ ပါတယ်။ ဖောင်တိန်နဲ့ ရေးထားတဲ့ မိန်းကလေး လက်ရေး ဝိုင်းဝိုင်းလေးနဲ့ "ဒါ...ခင်လေး ကို စောင်းရေးထားတာ ပေါ့လေ ... မခံနိုင်ပေါင်" ... တဲ့။ သူတို့ဇာတ်လမ်း ဘယ်လို အဆုံးသတ် သွားတယ်တော့ မသိ၊ အဲဒါလေး ၂ ခု ကို ကျွန်တော် ၁ဝ နှစ်လောက် သိမ်းထား ခဲ့ပါတယ်။ နောက်ဆုံး မြန်မာပြည်က ထွက်လာတော့မှ ဘယ်မှာ ကျန်နေခဲ့တယ် မသိ။
ရိုးရိုးချုပ်၊ ခန့်ချုပ်
စုတဲ့ စာအုပ်တွေက အခြေအနေ အမျိုးမျိုး၊ တစ်ချို့က နဂိုအဖုံးနဲ့၊ တစ်ချို့က စာအုပ် အငှားဆိုင်ကလို နောက်က ကတ်ထူ ရှေ့ကဖလင်၊ တစ်ချို့က ခန့်ချုပ်။ အစက Original အဖုံးရဲ့ တန်ဖိုး၊ ပထမနှိပ်ခြင်းရဲ့ တန်ဖိုးကို မသိသေးဘူး။ အဲဒါနဲ့ အားလုံး ဆင်တူဖြစ်အောင် ဆိုပြီး။ အကုန်လုံး ခန့်ချုပ် အပ်လိုက်တယ်။ အပ်တာက စာအုပ်အဟောင်း ရောင်းတဲ့သူတွေကို ပါပဲ။ အကုန်လုံးလောက်က စာအုပ် ချုပ်တတ်ကြတယ်။ ဆိုင်လူပါးတဲ့ အချိန်မှာ ပြင်စရာရှိတဲ့ စာအုပ်ပြင်၊ ချုပ်စရာရှိတာ ချုပ်ကြတာပဲ။ ကျွန်တော်လဲ နောက်တော့ ချုပ်တတ်သွားပါတယ်။
ခုနက စကား ပြန်ဆက်ရရင် - ခန့်ချုပ်အပ်တော့ နဂို အဖုံးကောင်းနေတာ၊ နှမြောစရာကြီး ပြောတာကို မရဘူး အတင်းအပ်တာပဲ။ နောက်ပိုင်း နဂို အဖုံးတန်ဖိုး သိလာတော့၊ မချုပ်တော့ပါဘူး။ ဆိုင်တွေမှာ အဖုံးပါတာ တွေ့ရင် ကျွန်တော့် အဖုံးမပါတာနဲ့ လဲတယ်။ ပုဂံတိုက်ထုတ်တွေ့ရင် အခြားတိုက်ထုတ်တာနဲ့ ပြန်လဲတယ်။
အငှားဆိုင်ချုပ် ကိုတော့ သိကြမှာပါ။ ခန့်ချုပ်ဆိုတာက ဒီလိုမျိုး -
ကြည်အေး နဲ့ နိုင်ဝင်းဆွေ
တက္ကသိုလ်ဘုန်းနိုင်၊ ရန်ကုန်ဘဆွေ ပြီးတော့ ကြိုက်သွားတာက ကြည်အေး။ အဲဒီတုန်းက ကြည်အေး စာအုပ်တွေ ပြန်မထွက်သေးပါဘူး။ ဟိုးတုန်းက ထုတ်တဲ့ စာအုပ်တွေ၊ တမ်းတတတ်သည်၊ ဖုန်းသက်တိုင်တို့၊ ကျမပညာသည် တို့က ပြားခြောက်ဆယ်တန် စာအုပ် ပါးပါးလေးတွေ။ ကျွန်တော်က မဂ္ဂဇင်းထဲပါဖူးရင်၊ မဂ္ဂဇင်းထဲက မူကို ရအောင်ရှာပါတယ်။ ခုနက ပြောတဲ့ ၃ အုပ် အပါအဝင် တော်တော်များများက မဂ္ဂဇင်း ဝတ္ထုရှည်။ "မောင်၊ ကိုကိုနဲ့ မြနန္ဒာ" နဲ့ "မေတ္တာမီးအိမ်" က ၃ လဆက်။
ဩဘာလမ်း
လက်ခုတ်တီးသံ၊ ရယ်မောသံတွေ
သူငယ်ချင်းရေ ဆက်သာလျှောက်
နောက်ပြန်လှည့်လဲ ဒီခရီး
တင်မင်းထက်
၂၀ဝ၉
(ကဗျာကို ပြန်ပြင်ထားပါတယ် ..
တကယ်တော့ အခုမူက ပထမဆုံး ရေးထားတဲ့မူပါ။)
© Blogger templates Psi by Ourblogtemplates.com 2008
Back to TOP
